الرئيسية
بسم الله الرحمن الرحيم
قبل تقرون انصحكم تسمّون...
## القصة ##
ام محمد …امراة عن سبعة رجال … زوجها متوفي .. وتعيش في بيتها الطين …
ومعها ولدها محمد وزوجته حصه … ام محمد ماتقعد في مكانمعين … لها الف شغله …
تسف … وتسرح بالغنم .. وتغزل وووو …
وفي يوم من الايام وهي راجعه بغنمها … حول المغرب … والجو مظلم شوي … راحت تحت شجرة تقضي حاجتها … والمشكله انها تبولت(وانتم بكرامة) على بيت نمل … وراحت لبيتها ومانامت ذيك اليله …
قامت تصايح وتشقق في هدومها!!! … وما خلى ولدها شي ماسواه معها …
عالجها في كل مكان وقروا عليها المطاوعة … وماكتب لها الله شفا … صار شكلها يروع …
اهل مرة ولدها حصه خذو بنتهم يقولون هذا هو البلش (اسم مرض قديما) ونخاف تعدي بنتنا …
قعد عندها ولدها محمد … مغير يوكلها ويسبح فيها … وكان فيه حرمه تعالج طب عرب اسمها مهيره …
بس محمد مايبغى يروح لها … ويوم شاف امه كلمالها وتنهبل زواده ….
وكل يوم طالعه في الشارع تصايح وتصارخ وترجم الناس …
قال الظاهر مالي الا مهيره … راح لم مهيره ودخل عليها … وقال لها حالة امه …
وقبل مايكمل قالت له انا عارفه امك وش فيها … امك متبولة على بيت نمل في صفرة المغرب ولا سمت …
وهاالبيت لجن ... وماتو كلهم .. حرمه ورجالها وولدهم الصغير ...
مسك راسه محمد ... وقال طيب وش السوات ...
قالت له مهيره اذا جى بكره الظهر وتناصفت الشمس في كبد السماء ....
جب لك شنه (قطعة قربه) حايله (لها سنة مرمية في البر )… وجب قطعة عدل (قطعه من بيت شعر) حايله …
وجب رماد حايل … واطحنهم مع بعض … ثم جب لك كبدة بعير نيه واخلطها مع نص الي طحنتا ووكلها لامك …
والنصف الثاني سبحها به … ثم نومها شرق ولا تسمي عليها ولايصير عندكم احد ….
وخلها في فراشها اليين من بعده الظهر ….
وراح محمد وسوى كل الي قالته مهيره …. وهجدت امه معاد تحركت تسنها ميته …
طاح عليها محمد وقام يصيح امي ماتت امي ماتت … الله لايجزاك خير يا مهيره …
وطلع وعلم الناس ان امه ماتت … وجا مطوع المسجد وشافها وقال له محمد كل القصه … قال المطوع خلها اليين بكره الظهر …
يوم جا من بكره الظهر جا المطوع لمحمد في بيت امه … وهو مثل ماقلنا بيت صغير …
اول ماتدخل الدهريز وفيه درجه ترقى معها للروشن … والقوع مشبوك مع الدهريز ما بينهم فاصل …
وفيه غرفتين في آخر البيت … قلط المطوع في الروشن … يوم دخل المطوع شاف ام محمد متمدده في القوع وملحفه … قال لولدها هاه بشر ما تحركت ولا تكلمت … قال محمد لا والله على ماهي … وقعد محمد هو والمطوع يتقهوون في الروشن اليين اذن الظهر وحول المطوع بيروح يصلي … وما امداه يحول الا وهو راقي مره ثانيه يقول لمحمد حول ابشر امك قاعده على حيلها ابشر امك ماماتت … حول تكفى خلها تغطى ابجي اسالها … حول محمد وحضن امه وهو بيتشقق من الفرحه …ثم غطاها وجى المطوع وسلم عليها … وردت عليه … وسالها … وش صار لتس يا ام محمد …
قالت الي صار شي مايصدقه العقل ….
جى لمي وانا نايمه … جنيين معهم حمار … شالوني وسدحوني على ظهر الحمار
وانا اصايح بطول صوتي محمد يا محمد يا محمد … لكن ماكن حولي احد …
قطعو بي مسافه مهيب بسيطه … وهم سادحيني على الحمار ويمشون بي في الشارع
كنت اشوف الناس واصايح لهم ابغاهم يساعدوني .. لكن ما كان احد يلتفت لمي كني غير موجوده …
ومرو من عند شيبان جن قاعدين في الزاوية … وسلمو عليهم ..
وقال واحد من الشيبان هذي هي!!!
… قال واحد من الي ماسكيني ابشركم جبناها … وما جابها الا الله ثم مهيره …
قال واحد من العوده وين بتودونها هالحيين .. قالو بنوديها على طول للمحكمه مامعنى وقت …
لها فرصه اليين بكره الظهر بس … تقول ام محمد شي ما يتصدق … كل هالجن بينا …
كل هالجن معنا في قريتنا ومادرينا عنهم … واجد واجد والله ماتصدقون وش كثرهم …
ومشو بالحمار وانا فوقه اليين وصلنا المحكمه … ونزلوني من الحمار ودخلوني المحكمه …
وسالوني انت قتلتي عيله كامله … انت تبولت على بيت نمل في صفرة المغرب وما سميتي …
انت عارفه ان بيت هاالنمل بيت لجن … انت عارفه انك قتلتيهم … انت عارفه انا بنذبحك …
صرخت ام محمد والله ماكنت عارفه والله اني مااذكر هوني سميت والا لا … انا مادريت انا مادريت …
وانا اصايح في المحكمه مادريت الا بذاك الشايب يدخل علينا ومشى اليين وقف قدام الجميع …
وقال انا اشهد ان هالمره يوم تتبول على بيت النمل انها مسميه والله اني سامعها …
تقول ام محمد كنت احس وهم يحاكموني بصوت ضلوعي تحتك مع بعض ..
وعقب مادخل هاالشايب وشهد معي … راح الي مضيق علي وحكم القاضي ببرائتي بعد حلف الشايب …
وقال القاضي رجعوها لولدها … شالوني على الحمار وطلعنا من المحكه …
يوم وصلنا حوش آل سعيدان اليين فيه طق طبول واغاني ..
سالت الي شايليني على الحمار وش هاذا قالو هذا عرس … ودك تحضرينه …
قلت لهم ابطل بس اشوفه يوم طليت الين هاالعالم والملابس والشعور والرقص الي ماعمري شفت مثله وفي الباب ذيك الحرمة الي ماعمري شفت مثل زينها … بياض وشعر الين الردوف … وطول وووو …
قلت لها يابنيتي جارنا ابو ناصر ماتت زوجته العام ماتخذينه …
قالت لاوالله يا ام محمد … مدري وشلون عرفت اسمي … الجنيه ماتاخذ انسي …
تقول ام محمد طلعت من العرس وشالوني على الحمار … ومشو بي اليين وصلو بيتي وحطوني في مرقدي … وتوهم يحطوني هالحيين وما كنت مصدقه اني ابرجع لوليدي وبيتي … الله يوفق ذاك الشويب الي شهد معي ….
ترى هالقصه حقيقيه...
قبل تقرون انصحكم تسمّون...
## القصة ##
ام محمد …امراة عن سبعة رجال … زوجها متوفي .. وتعيش في بيتها الطين …
ومعها ولدها محمد وزوجته حصه … ام محمد ماتقعد في مكانمعين … لها الف شغله …
تسف … وتسرح بالغنم .. وتغزل وووو …
وفي يوم من الايام وهي راجعه بغنمها … حول المغرب … والجو مظلم شوي … راحت تحت شجرة تقضي حاجتها … والمشكله انها تبولت(وانتم بكرامة) على بيت نمل … وراحت لبيتها ومانامت ذيك اليله …
قامت تصايح وتشقق في هدومها!!! … وما خلى ولدها شي ماسواه معها …
عالجها في كل مكان وقروا عليها المطاوعة … وماكتب لها الله شفا … صار شكلها يروع …
اهل مرة ولدها حصه خذو بنتهم يقولون هذا هو البلش (اسم مرض قديما) ونخاف تعدي بنتنا …
قعد عندها ولدها محمد … مغير يوكلها ويسبح فيها … وكان فيه حرمه تعالج طب عرب اسمها مهيره …
بس محمد مايبغى يروح لها … ويوم شاف امه كلمالها وتنهبل زواده ….
وكل يوم طالعه في الشارع تصايح وتصارخ وترجم الناس …
قال الظاهر مالي الا مهيره … راح لم مهيره ودخل عليها … وقال لها حالة امه …
وقبل مايكمل قالت له انا عارفه امك وش فيها … امك متبولة على بيت نمل في صفرة المغرب ولا سمت …
وهاالبيت لجن ... وماتو كلهم .. حرمه ورجالها وولدهم الصغير ...
مسك راسه محمد ... وقال طيب وش السوات ...
قالت له مهيره اذا جى بكره الظهر وتناصفت الشمس في كبد السماء ....
جب لك شنه (قطعة قربه) حايله (لها سنة مرمية في البر )… وجب قطعة عدل (قطعه من بيت شعر) حايله …
وجب رماد حايل … واطحنهم مع بعض … ثم جب لك كبدة بعير نيه واخلطها مع نص الي طحنتا ووكلها لامك …
والنصف الثاني سبحها به … ثم نومها شرق ولا تسمي عليها ولايصير عندكم احد ….
وخلها في فراشها اليين من بعده الظهر ….
وراح محمد وسوى كل الي قالته مهيره …. وهجدت امه معاد تحركت تسنها ميته …
طاح عليها محمد وقام يصيح امي ماتت امي ماتت … الله لايجزاك خير يا مهيره …
وطلع وعلم الناس ان امه ماتت … وجا مطوع المسجد وشافها وقال له محمد كل القصه … قال المطوع خلها اليين بكره الظهر …
يوم جا من بكره الظهر جا المطوع لمحمد في بيت امه … وهو مثل ماقلنا بيت صغير …
اول ماتدخل الدهريز وفيه درجه ترقى معها للروشن … والقوع مشبوك مع الدهريز ما بينهم فاصل …
وفيه غرفتين في آخر البيت … قلط المطوع في الروشن … يوم دخل المطوع شاف ام محمد متمدده في القوع وملحفه … قال لولدها هاه بشر ما تحركت ولا تكلمت … قال محمد لا والله على ماهي … وقعد محمد هو والمطوع يتقهوون في الروشن اليين اذن الظهر وحول المطوع بيروح يصلي … وما امداه يحول الا وهو راقي مره ثانيه يقول لمحمد حول ابشر امك قاعده على حيلها ابشر امك ماماتت … حول تكفى خلها تغطى ابجي اسالها … حول محمد وحضن امه وهو بيتشقق من الفرحه …ثم غطاها وجى المطوع وسلم عليها … وردت عليه … وسالها … وش صار لتس يا ام محمد …
قالت الي صار شي مايصدقه العقل ….
جى لمي وانا نايمه … جنيين معهم حمار … شالوني وسدحوني على ظهر الحمار
وانا اصايح بطول صوتي محمد يا محمد يا محمد … لكن ماكن حولي احد …
قطعو بي مسافه مهيب بسيطه … وهم سادحيني على الحمار ويمشون بي في الشارع
كنت اشوف الناس واصايح لهم ابغاهم يساعدوني .. لكن ما كان احد يلتفت لمي كني غير موجوده …
ومرو من عند شيبان جن قاعدين في الزاوية … وسلمو عليهم ..
وقال واحد من الشيبان هذي هي!!!
… قال واحد من الي ماسكيني ابشركم جبناها … وما جابها الا الله ثم مهيره …
قال واحد من العوده وين بتودونها هالحيين .. قالو بنوديها على طول للمحكمه مامعنى وقت …
لها فرصه اليين بكره الظهر بس … تقول ام محمد شي ما يتصدق … كل هالجن بينا …
كل هالجن معنا في قريتنا ومادرينا عنهم … واجد واجد والله ماتصدقون وش كثرهم …
ومشو بالحمار وانا فوقه اليين وصلنا المحكمه … ونزلوني من الحمار ودخلوني المحكمه …
وسالوني انت قتلتي عيله كامله … انت تبولت على بيت نمل في صفرة المغرب وما سميتي …
انت عارفه ان بيت هاالنمل بيت لجن … انت عارفه انك قتلتيهم … انت عارفه انا بنذبحك …
صرخت ام محمد والله ماكنت عارفه والله اني مااذكر هوني سميت والا لا … انا مادريت انا مادريت …
وانا اصايح في المحكمه مادريت الا بذاك الشايب يدخل علينا ومشى اليين وقف قدام الجميع …
وقال انا اشهد ان هالمره يوم تتبول على بيت النمل انها مسميه والله اني سامعها …
تقول ام محمد كنت احس وهم يحاكموني بصوت ضلوعي تحتك مع بعض ..
وعقب مادخل هاالشايب وشهد معي … راح الي مضيق علي وحكم القاضي ببرائتي بعد حلف الشايب …
وقال القاضي رجعوها لولدها … شالوني على الحمار وطلعنا من المحكه …
يوم وصلنا حوش آل سعيدان اليين فيه طق طبول واغاني ..
سالت الي شايليني على الحمار وش هاذا قالو هذا عرس … ودك تحضرينه …
قلت لهم ابطل بس اشوفه يوم طليت الين هاالعالم والملابس والشعور والرقص الي ماعمري شفت مثله وفي الباب ذيك الحرمة الي ماعمري شفت مثل زينها … بياض وشعر الين الردوف … وطول وووو …
قلت لها يابنيتي جارنا ابو ناصر ماتت زوجته العام ماتخذينه …
قالت لاوالله يا ام محمد … مدري وشلون عرفت اسمي … الجنيه ماتاخذ انسي …
تقول ام محمد طلعت من العرس وشالوني على الحمار … ومشو بي اليين وصلو بيتي وحطوني في مرقدي … وتوهم يحطوني هالحيين وما كنت مصدقه اني ابرجع لوليدي وبيتي … الله يوفق ذاك الشويب الي شهد معي ….
ترى هالقصه حقيقيه...
